Friday, January 30, 2015

Korea dramalarında telefon zəngləri.

Müxtəlif K-dramaların ortaq cəhəti_ əyləncəli və fərqli telefon zəngləri.

Dreamhigh-happyday.blogspot.com
Salam, xoş gördük əziz oxucu. Bu dəfə Koreya seriallarında diqqətimi cəb edən başqa bir mövzu haqda yazdım. Bu telefon zəngləridir. Bu telefon zənglərinin bəzilərini əslində real həyatda eşitsək heç bəyənməzdik. Xüsusilə baş rol qızların bu cür fərqli telefon zəngləri olması əslində serialı da daha yadda qalan edir. İlk eşitdiyim zaman bəzilərində bu musiqini mən ümumiyyətlə telefon zəngi necə qoyublar, rejissor nə deməyə çalışır.-düşündürən o zənglər, sonradan izlədikcə ən sevdiyimiz ost lar qədər yer tutur. :D İlk olaraq Queen İn Hyuns Man serialı ilə başlayaq. Bu serialı çox bəyəndim. İzləməyə dəyər. Bu serial haqqında da əlavə yazım olacaq, gözləyin. ;)

Monday, January 19, 2015

20 YANVAR. QANLI YANVAR.

ŞƏHİDLƏR UNUDULMUR!


  Bu gün Qanlı 20 Yanvar hadisələrindən 25 il ötür.  Qara Yanvar və ya 20 Yanvar faciəsi — (Daha geniş məlumat üçün klikləyin.1990-cı il yanvarın 19-dan 20-nə keçən gecə Sovet ordusunun Azərbaycanda həyata keçirdiyi qətliam. 1990-cı ilin 20 yanvarında Qarabağa qarşı ərazi iddiaları irəli sürən Ermənistanın təcavüzkar hərəkətlərindən Bakının küçələrinə və meydanlarına çıxaraq buna öz qəti etirazını bildirən geniş xalq kütlələrinə qarşı sovet ordusunun döyüş hissələrinin yeridilməsi faciəyə gətirib çıxardı. 
Həmin gündən Azərbaycanda qərənfil al qana boyanmış şəhərin rəmzi olaraq, bu hadisədən sonra qırmızı qərənfil ölkəmizdə matəm gülüdür. Vətən uğrunda canından keçən bütün şəhidlərimizə ALLAH Rəhmət Eləsin!.




ŞƏHİDLƏR! 

Qatil gülləsinə qurban gedirkən,
Gözünü sabaha dikdi şəhidlər.
Üçrəngli bayrağı öz qanlarıyla
Vətən torpağına çəkdi şəhidlər.

Zalim öyünməsın zülümləriylə,
Min bir böhtanıyla, min bir şəriylə.
Həqiqət uğrunda ölümləriylə
Ölümü kamına çəkdi şəhidlər.

O şənbə gecəsi, o qətl günü, -
Mümkünə döndərdik çox namümkünü.
Xalqın qəlbindəki qorxu mülkünü,
O gecə dağıdıb sökdü şəhidlər.

Tarixi yaşadıb diləyimizdə,
Bir yumruğa döndük o gecə biz də.
Yıxıb köləliyi ürəyimizdə
Cəsarət mülkünü tikdi şəhidlər.

Onlar susdurulan haqqı dindirər,
Qaraca torpağı qiymətləndirər.
Donan vicdanları qeyrətləndirər,
Axı, el qeyrəti çəkdi şəhidlər.
Dözdü hər zillətə, dözdü hər şeyə,
“Dünyada mənim də haqqım var”, – deyə.
Kütləni xalq edən müqaviləyə
Qanıyla qolunu çəkdi şəhidlər.

İnsan insan olur öz hünəriylə,
Millət millət olur xeyri, şəriylə.
Torpağın bağrına cəsədləriylə,
Azadlıq tumunu əkdi şəhidlər.
Bəxtiyar Vahabzadə.

Sunday, January 18, 2015

KILL ME HILL ME!

Shin Se Gi üçün fan klubmu açsaq?!

http://dreamhigh-happyday.blogspot.com/
SHİN SE Gİ ..
2015 ci ilin ilk seriallarındandır. Yanvarın 7si yayımlanmağa başlayıb və martın 2 sinə qədər yayımlanması nəzərdə tutulub. 20 bölüm olmalıdır, ancaq bildiyimiz kimi bu serialın reytinqinə bağlı olaraq azala və y arta bilər ;) MBC kanalında çərşənbə və cümə axşamları yayımlanır. Eyni vaxtda mövzu etibarilə bənzər olan və bu serialdakı kimi çox məşhur, sevilən aktyor Hyun Bin in Hyde, Jekyll and İ serialı tezliklə yayıma başlayacaq. Hər iki serialın bəyəniləcəyini düşünürəm. izlədiyim Kill Me, Heal Me haqda deməliyəm ki, çox bəyəndim. Əvvəl bu mövzunun 2014 ə damğasını vuran serial İts Ok, Thats Love (bu dramanı çox sevirəm) draması sayəsində (dramanın ostları haqda yazımı oxumaq və ostları dinləmək üçün kliklə )Koreya serial aləmində yeni bir tapıntı kimi həmin andaca iki serialda da istifadə olunması məni bu serialdan uzaqlaşdırmışdı. İzlədikdən sonra bu cür fikrimi dəyişən serial ikiqat əziz olur. ! Komediya, sirr, dram, fantastik, azca da psixologiya və serial hazırdır

Friday, January 16, 2015

Bu UŞAQ 2PM HEARTBEAT İN RƏQSİNİ ƏYLƏNCƏLİ HALDA TƏQDİM EDİR.

ƏYLƏNCƏLİ VERSİYA VƏ ORJİNAL VERSİYANI BİRLİKDƏ İZLƏYƏK.

Youtube da K-pop dan mahnılar dinləyirdim və elə o vaxt bu videonu gördüm. 2PM in Heartbeat mahnısında balaca şirin bir uşaq rəqs edir. Həm də qrup üzvlərinin rəqs partiyalarının hamısını özü edirdi, bir də o şirinliyi ilə özünü cool, özündən razı aparmasını görməyə dəyər. Hələ noonası hətta ajumması (Koreya seriallarında qızların ən sevmədiyi söz :D)  yaşda qıza hərəkətinə qız özü şoka düşdü. Ən çox da o hissədə güldüm. Əhvalınızı yaxşılaşdıracaq videonu sizlərlə paylaşmaq istədim. ;)


Bu da orjinal versiya. Ən sevdiyim mahnılardandır.
Bu performans isə xüsusilə izlənməyə dəyər.! Sona qədər izləyin. Hələ də mənim ən sevdiyim performanslardandır. 

Saturday, January 10, 2015

A WEREWOLF BOY/ CANAVAR ADAM.

SONUNA GÖRƏ BU FİLMƏ BAXMAĞA DƏYƏR!


http://dreamhigh-happyday.blogspot.com  Bu filmə Song Jook Ki üçün başlamışdım (baş roldakı oğlan) , bir də çox tərifli idi deyə, başqa səbəbim də Koreya seriallarına çox baxsam da az filmə baxmağım oldu. Bir az da filmlərinə baxaq dedim, baxdım, çox bəyəndim və o andan bura yazmaq istədim. Çünki filmin təsiri güclü oldu və bu anda hisslərimi, düşüncələrimi bölüşmək istədim..

Film 2012ci il 31 oktyabr da cıxıb. 125 dəqiqəlik romantik, fantastik filmdir. Film bir çox mükafatın da sahibidir.- 2013 Baesang mədəniyyət mukafatlarında ən yaxşı ssenari, ən yaxşı film və ən yaxşı aktyor (Song Joong Ki) nominasiyalarında qalib olub. Hələ bu yalnız bir festivaldan topladıqları mükafatdır, maraqlananlar digərlərini wikipediadan öyrənə bilərsiniz.
    Başda film sizə adi indiyə qədər baxdığınız yüzlərlə filmdən fərqli gəlməyəcək bəlkə, ancaq səbrli olun. Dəqiqələr keçdikcə film sizi özünə bağlayır. Başlayanda tam başqa cür olacağını təsəvvür etmişdim. Lakin film fikirlərimi alt-üst etdi. 
http://dreamhigh-happyday.blogspot.com/Qeyd edim ki, bu yazımın əvvəli filmlə tanışlıq üçündür, yəni izləməyənlər üçündür. Yarıdan sonra (əvvəldən xəbərdarlıq üçün yazacağam, spoi sevməyənlər üçün) filmi tam izləyənlərlə bölüşmək istədiyim fikirlərim yer alacaq.
Film bir yaşlı qadının Amerikadan Cənubi Koreyayadan gələn bir zənglə yenidən vətəninə qayıtması ilə başlayır. Qayıtma səbəbi isə, Cənubi Koreyadakı kənddə yerləşən evini satmaqla bağlı olur. Qadının öz evinə geri getməsi ilə bu indi baxımsız qalan evdəki gənliyi, xatirələri və O yadına düşür. Beləliklə də bizim əhvalat başlayır. 
http://dreamhigh-happyday.blogspot.com
SEVGİ ONUN ÖYRƏNDİYİ İLK İNSAN DİLİ İDİ.

Dağınıq düşüncələr

    Xatirələr çox qəribədir. Hətta ən nifrət etdiyin insan belə olsa nə qədər güclü iradən və özünə, düşüncələrinə hakim beynin olsa belə 1 ...