The Voice Azerbaijan/ Səs Azərbaycan

Ən sevdiyim tv yarışması.

   The Voice yarışmasının fərqli ölkələrdə olan versiyaları içindən ən layiqli yerlərdən biri məhz Azərbaycanın The Voice/Səs yarışmasıdır. Düzünü desəm hələ yarışma proqramını tvdə gördüyüm zaman da maraqlı olacağını düşünürdüm.

 Ancaq, gözlədiyimdən də möhtəşəm bir layihə ortaya çıxdı. Yarışmaçıların hər birinin mükəmməl səsi və istedadı var. Münsiflərin işi həqiqətən də çox çətindir. Bunu sadəcə şablon tərif kimi yazmıram. Əminəm ki, proqramı izləyənlərin çoxu mənim bu fikirlərimlə razılaşar. Bu qədər gözəl və yaxşı ifalar, səslər məni çox sevindirir. 

Elə ilk səsvermə günündən yarışmadan çıxan iştirakçılara görə nə qədər kədərləndim. Yarışmanın döyüş/battle hissəsində isə bəzən hər iki ifaçının qalmağını istəyirdim. Ən əsası isə izləyici olaraq verilişdən zövq alıram. 

Yarışmanın münsiflər heyəti: xalq artistləri Mübariz Tağıyev, Faiq Ağayev və əməkdar artistlər Tünzalə Ağayeva və Manana Caparidze-dir. 
Münsiflərdən Faiq Ağayevin iradlarını xüsusilə bəyənirəm. Çox vaxt da izləyici olaraq eyni düşünürəm.
Mənim ən sevdiyim iştirakçılar. Yəgin ki, siyahıya baxıb başqa kimsə qaldımı deyə düşündünüz. :)) Hələ siyahını azaltmışam. ;)

Jeff Buckley

Mahnılarını dinlədiyim zaman hisslərimi ifadə etməkdə çətinlik çəkdiyim ifaçı.. .. .. 

Tam adı- Jeffrey "Jeff" Scott Buckley. 

Doğum tarixi- 17 noyabr 1966.

Doğum yeri- Anaheim, Kaliforniya, ABŞ.

Janr- Alternativ rok, folk rok, soul blues.

Sənət- Bəstəkar-müğənni, gitara ifaçısı/gitarist.

Alətlər (çala bildiyi)- gitara, appalachian dulcimer, organ, harmonium, esraj, bass gitara.

Vebsayt- jeffbuckley.com

Fəaliyyətdə olduğu illər- 1991-1997

Ölüm tarixi- 
düzünü desəm, hələ də mahnılarını dinləyib, səsini eşitdiyin və sevdiyin bir ifaçının dünyada olmadığı fikrini qəbul etmək çətin gəlir. Belədə, digər çox sevdiyimiz məşhurların çoxu da varlığını yalnız internetdən gördüyümüz insanlardır. Beləliklə həmin insanın səsinə, musiqisinə əlim hələ də çatırsa, həmin insanın səsində, dünyadakı bir çox insanın səsindəkindən daha çox canlılıq, həyat, hisslər varsa bu insan dünyada olmasa belə uzaqlarda bir yerdə varmış kimi hiss edirəm. Sadəcə canlı konsertini heç vaxt izləyə bilməyəcəm. Amma tam olaraq dünyada olmadığını düşünə bilmirəm. Bir şeyi bilmək başqa, qəbul edib həmin reallığı dərk etmək başqadır. Nədənsə bu müğənniyə ölüb sözünü yaraşdırmıram. Musiqisində səsi hələ də dünyadadır. Tək səsi yox, mahnıları ilə çatdırdığı fikirlər, hisslər, rənglər.- 29 may 1997

Jeff Buckley,