Jang Keun Suk

Fərqli SƏS, ZÖvq, Gülüş, Musiqi, Dramaları sevən fərqli insanlar siz artıq EELS-siniz.!

Ad- Jang Keun Suk
Hangul(Koreyaca) - 장근석
Doğum Tarixi-  4 avqust 1987 ci il.
Təhsil- Nelson Kolleci, Han Yang Universiteti (Theater and Film major/ixtisaslaşmış teatr və film fakültəsi)
Boy- 1.82 sm.
Çəki- 62 kq.
Qan Qrupu- A. (bizdəkinə uyğun tam bilmirəm neçənci qrup gedir)
Twitter- @AsiaPrince_JKS
Rəsmi web saytı- www.princejks.com
İstedad Şirkəti/Çalışdığı Şirkət- TreeJ Entertainment
Səhnə adı/ləqəb- Asia Prince/ Asiya şəhzadəsi

Fanlarının adı- EELs

 

Danyang

  Jang Keun Suk Cənubi Koreyada, Danyanq-da dünyaya gəlib, ailənin tək övladıdır. 5 Yaşında uşaq model olaraq fəaliyyətə başlayıb. 
Keun Sukun model olaraq işləməsində təsadüf rol oynayıb. 

Belə ki, ailəsi öz evlərini satdığı vaxt alıcı qismində evə gələn istedad agenti nümayəndəsi/talant agent evdə ailənin kiçik oğlunu görüb və ailəyə Keun Suku model olaraq işləyə biləcəyini deyib. Buna görə də, Keun Sukun kiçik yaşlarından fərqli firma/şirkətlərin uşaq modeli olaraq çalışıb.
Jang Keun Suk 1997-ci Selling Happiness adlı sitkomda debüt edib. Yapon pop və rocl musiqisən olan marağına görə də orta məktəbdə oxuyarkən yapon dilini özü öyrənməyə başlayıb. Sonra təhsilini davam etdirmək üçün Yeni Zellandiyaya gedib. Yeni Zellandiyada Keun Suk yapon və ingilis dillərini mükəmməl öyrənib.

"Lovers in Prague" Jang Geun Suk

 Hər iki dildə tam danışa bilir. Lakin ona gələn yeni iş təklifi ilə təhsilini yarıda saxlayıb Cənubi Koreyaya qayıdıb. Bu təklif MBC kanalının sitkomu Nonstop4 də rol almaq idi. Nonstop4 dən sonra uzun aradan sonra, 2005-ci ildə Jang Keun Suk SBS draması "Lovers in Prague" adlı serialda prezidentin oğlu rolu ilə diqqəti öz üzərinə çəkə bilir.

2006 cı ildə isə Keun Suk böyük ekrana "One Missed Call"/"Bir Cavabsız Zəng" adlı yapon qorxu filmi ilə geri qayıdır. Filmdə kar/eşitmə problemi olan oğlan rolunu oynayır. Keun Suk roluna görə 3 ay əvvəldən işarə dilini öyrənib. Səhnə arxası yalnız Jang Geun Suk olan video.

KBS2 kanalında isə "Hwang Jin Yi" adlı tarixi serialda Hwang Jin Yi-nin ilk sevgisi rolunu oynayıb.Bu rolu kiçik olsa da, xüsusilə xanım izləyicilərin diqqətini çəkib. Qeyd edim ki, həmin filmdə baş rol Hwang Jin Yi rolunu Ha Ji Won oynayıb. 
 

2007 ci ildə Keun Suk rok musiqisi mövzusunda bir filmdə rol alır. O, bu filmdə bundan əvvəlki işlərindən daha çox maskulin (daha sərt kişi obrazı deyək biz buna) görünüşü və səsi ilə fərqlənib. 

bethoven virus

"Doremifasolasido" filmindən

Ardınca o "Doremifasolasido" adlı filmdə və "Bethoven Virus" adlı serialda baş rol oynayıb. "Bethoven Virus" da xüsusilə saç düzümünü bəyənməmişdim. 

"Hong Gil-dong"

KBS2kanalında başqa bir tarixi drama "Hong Gil-dong"-da isə o King Gwanghae rolunu oynayıb. "Baby and I"/"Körpə və mən" adlı filmdə isə Geun Suk yenidən baş rol oynayır. 

"Baby and I"/"Körpə və mən"

burda qız çox qəşəg düşüb :D

Filmdə çəkilən uşaq aktyor Moon Mason-dur. Sonradan daha çox da böyüdükcə ona kiçik Nickhun deyilib. Bu uşağın Geun Sukla böyüdükdən sonra da şəkilləri var. Uşaq böyüyəndə daha da şirinləşib. Filmi izləmişəm. Daha çox komediya janrında məktəblinin bir müddətlik uşağa atalıq etməsi əsas mərkəzdədir. Mənim o qədər də xoşuma gəlməmişdi. Möhtəşəm bir film deyil, baş rol qızla Geun Suk sanki uyğun gəlmirdi. Ancaq Jang Geun Suk filmdə çox yaraşıqlıdır və Moon Mason da çox şirin görünür.

2009-cü il Jang Keun Suk çəkildiyi bütün film və seriallardan roluna görə tamamilə fərqli bir filmdə çəkilir. Bu film çoxdandır ki, baxmaq istədiyim filmdir. İzlədikdən sonra burada sizinlə fikrimi bölüşərəm. Digər işlərindən fərqlənmə səbəbini isə yazmamaq daha yaxşıdır. Çünki film belədə daha maraqlıdır. Filmin adı isə, "The Case of Itaewon Homicide" -dir. (" Itaewon Cinayət işi ") Şəkillərdən də düşündüyünüz kimi film romantik deyil, polisiye, dedektiv janrında filmdir. 

Hyde and Geun Suk

Jang Keun Suk yapon dilini öyrənməyə həvəsinin əsas səbəbkarları isə Ken Hirai və yapon rock (J-rock) qrupu _L'Arc-en-Ciel_ adlı qrup olmuşdur. Xüsusilə yapon rok qrupunun təsirini onun geyim tərzindən və fotosesiyalarından da görə bilərik. Bu da normal haldır ki, bu sırf eynilik yox bənzərlikdir. Və sonradan bu demək olar ki, tamamilə itir. Aşağıdakı şəkil isə rok qrupun solisti Hyde və Keun Suk un şəkilləridir. 



Jang Geun Suk həm də pələng dərisi şəklində olan (bunun başqa necə sözlə ifadə edə bilərəm?) paltarları çox sevir. Bunu pələng dəni də adlandırırlar. Şəxsən mənim bu dəbdən xoşum gəlmir. -_-













Keun Suk ailəsində xüsusilə anasına çox bağlıdır. Əksər oğlanlar/kişilər kimi futbola baxmağı və futbol oynamağı sevir.
Geun Suku mənim üçün digərlərindən fərqləndirən ən əsas gülüşüdür. Çox saf, təmiz, uşaqsı gülüşü var. 
Hər yaşda uşaqsı gülüşü olmaq da sizi digərlərindən kifayət qədər fərqləndirir.

Baxın, sizə bir məsləhət verim, yeniyetməlik dövründə, ya da uşaqlıqda kök olan oğlanların xətrinə heç vaxt dəyməyin. Çünki böyüyəndə peşiman siz olacaqsınız.! Bunu daha əvvəl də BigBang dən T.O.P da görmüşdük. İndi isə normalda heç vaxt kök təsəvvür edə bilmədiyim və həmişə fomda qalmağa çalışan Keun Sukun aşağıdakı şəklini sizinlə də bölüşmək istədim. Sonra bu məsləhətimə görə təşəkkür də edərsiniz. :P :D Sadəcə diqqətlə baxanda Keun Suk olduğu bilinir. Çünki o heç vaxt üzdən bu qədər kök olmayıb.













Əvvəlcədən plastik əməliyyatla arıqlaması ilə bağlı ağlınıza gələ biləcək fikirlərə qarşı soldakı şəkli də paylaşıram. 
Nisbətən yenə də üzdən doludur. (şirin görünmək üçün üçünü şişirtməsə də) Yəni özü arıqlayıb.


Jang Keun Suk geyim tərzi ilə çox seçilir. Daha çox qadınsı geydiyini düşünənlər də var. Mən onun daha çox rok stilində geyimlərini çox sevirəm. Və ona əla yaraşır. Xüsusilə qara saçlar. Jang Geun Suk həm aktyor, model və müğənni kimi fəaliyyət göstərir. Səsini çox bəyənirəm. Qalın və eyni zamanda həlim səsi var. Jang Geun Suk səsində fərqlilik həm də budur ki, sanki insan eşitdiyi zaman bu insana etibar etmək olar, deyə düşünür. Səsində bu cür bir fərqli nəsə var. Sanki çoxdan tanıdığın birinin səsi kimi doğma gəlir. Jang Geun Suk - My precious.

Jang Geun Suk bir dəfə öz hesabından qadın paltarında və makyajlı bir çəklini paylaşıb, yeni sevgilisi olduğunu demişdi. :D Sonradan anasının buna görə ona acıqlandığı və bundan xoşu gəlmədiyinə görə (səhv etmirəmsə çünki çoxdan oxumuşdum bunu bəlkə də silməyib :D))  şəkli silmişdi. Həmin şəkildə o qədər çirkin görünürdü ki, Keun Suk qız olsa belə məşhur ola bilməzdi. :D Əminəm ki, mənlə razısınız. ;)

Asiyada bildiyiniz kimi anime lər çox məşhurdur. Yəni az qala hər məşhurun və ya filmin, serialın animasiya olunmuş şəklini internetdən tapa bilərsiniz. Bununla belə həmişə elə məşhurlar olur ki, onları görəndə elə anime yadımıza düşür. Onları anime dən çıxmış insanlar adlandırırıq. :D Jang Keun Suk da onlardandır. Xüsusilə də üz mimikaları, hərəkəti yadıma anime qəhrəmanlarını salır.
Jang Keun Suk haqqında həmişə mənə ən qəribə gələn onun Koreyada o qədər də məşhur olmamasıdır. 
İlk dəfə G-Dragonu görəndə Jang Keun Suka çox oxşatmışdım. Bu bənzərliyi görməmk mümkün deyil.


Yəni onu Koreyadan çox digər asiya ölkələrində daha çox sevirlər. Eyni şeyi onun film, mahnı və seriallarına da aid etmək olar. Jang Geun Suk məhz buna görə də Asian Prince/Asiya Şəhzadəsi adlanır. Fanları isə Eels adlanır. Eels ingilis dilindən azərbaycan dilinə ilan balıqları kimi tərcümə olunur. Jang Geun Suk ilan balığını yeməyi çox sevdiyi üçün fanlarını da belə adlandırıb. Əlbəttə, ondan normal bir şey gözləmək özü anormal olardı. ;)

Jang Geun Suk haqqında bir yazıda yazsam o qədər uzun olacaq ki, mən yazmaqdan siz oxumaqdan yorulacaqsınız. Buna görə bu yazımda yalnız Geun Sukun belə deyək, ilk addımları barəsində və ilk işləri haqqında geniş məlumatları sizinlə paylaşıram. Digər yazılarımda isə, aktyor yaradıcılığının davamını və ayrılıqda musiqi fəaliyyətini də post şəklində sizə təqdim edəcəm.
Son olaraq isə, bir neçə seçdiyim Jang Geun Suk şəkli ilə yazımı sonlandırıram. Növbəti Jang Geun Suk yazılarını gözləyin. Hələlik.

Yayda gündə qaralmaqdan qorxmayan koreyalı məşhur :P Şəkil jang Keun Sukun ad günündəndir.