Jeff Buckley

Mahnılarını dinlədiyim zaman hisslərimi ifadə etməkdə çətinlik çəkdiyim ifaçı.. .. .. 

Tam adı- Jeffrey "Jeff" Scott Buckley. 

Doğum tarixi- 17 noyabr 1966.

Doğum yeri- Anaheim, Kaliforniya, ABŞ.

Janr- Alternativ rok, folk rok, soul blues.

Sənət- Bəstəkar-müğənni, gitara ifaçısı/gitarist.

Alətlər (çala bildiyi)- gitara, appalachian dulcimer, organ, harmonium, esraj, bass gitara.

Vebsayt- jeffbuckley.com

Fəaliyyətdə olduğu illər- 1991-1997

Ölüm tarixi- 
düzünü desəm, hələ də mahnılarını dinləyib, səsini eşitdiyin və sevdiyin bir ifaçının dünyada olmadığı fikrini qəbul etmək çətin gəlir. Belədə, digər çox sevdiyimiz məşhurların çoxu da varlığını yalnız internetdən gördüyümüz insanlardır. Beləliklə həmin insanın səsinə, musiqisinə əlim hələ də çatırsa, həmin insanın səsində, dünyadakı bir çox insanın səsindəkindən daha çox canlılıq, həyat, hisslər varsa bu insan dünyada olmasa belə uzaqlarda bir yerdə varmış kimi hiss edirəm. Sadəcə canlı konsertini heç vaxt izləyə bilməyəcəm. Amma tam olaraq dünyada olmadığını düşünə bilmirəm. Bir şeyi bilmək başqa, qəbul edib həmin reallığı dərk etmək başqadır. Nədənsə bu müğənniyə ölüb sözünü yaraşdırmıram. Musiqisində səsi hələ də dünyadadır. Tək səsi yox, mahnıları ilə çatdırdığı fikirlər, hisslər, rənglər.- 29 may 1997

Jeff Buckley, 

Mary Guibert və Tim Buckley in yeganə övladıdır. Atası Tim Buckley çox məşhur musiqiçidir. Mary və Tim çox gənc yaşlarında (uyğun olaraq 17 və 18) evlənib. Və elə Jeff dünyaya gəlməmiş də ayrılıblar. 

Tim Buckley & Mary Guibert

Jeff sonradan anasının ailə qurduğu adamın soyadını götürür- Moorhead. Əslində ifaçı olmazdan əvvəl Jeff, Scott ( və ya Scotty/Skoti) Moorhead kimi tanınırdı. Tim Buckley çox erkən yaşda dünyasını dəyişib. Onun ölüm səbəbi yüksək dozada narkotik olub.(28 yaşında)

Jeff və Corey

Jeff atasını həyatında cəmi bir dəfə 8 yaşında görüb. Jeff in anası pinaoçu idi və ögey atası da onu Led Zeppelin, Queen, kimi qruplarla hələ uşaqlığında tanış etmişdi. Atasının-Tim Buckley, ölümündən sonra Jeff, Buckley soyadını götürür. Əslində, Jeff atasının dəfn mərasimində də iştirak etməmişdi. Eyni zamanda o artıq özünü Jeff Buckley kimi tanıdır. Yəni artıq onu Scott/Skot kimi yalnız ailəsi çağırırdı.Tim Mary dən sonra yenidən evlənmişdi. Bu evlilikdən Taylor adlı bir oğlu dünyaya gəlib. (Mary nin də ikinci evliliyindən bir oğlu dünyaya gəlib-Corey Moorhead) Jeffin anası 
fransız,yunan, amerikalı və panama əsilli qarışıq bir nəsildəndir, Tim isə irland (atası)və italyan amerika(anası) əsillidir. 

Jeff 12 yaşında olanda gitaraya olan marağı onun musiqiçi olmaq istəyini də ardınca gətirir. Başqa sözlə, hər şey həmin maraqla başlayıb. Sonradan ailəsi Hollivuda köçən Jeff musiqi inistitutuna daxil olur. Növbəti 6 ilini isə o oteldə işləyərək və müxtəlif qruplarda jazdan, heavy metal/ağır metala qədər müxtəlif janrlarda mahnılar ifa edib.  1990-cı ildə isə Jeff New Yorka köçür.

Nusrat Ali Khan & Jeff Buckley

Jeff Buckley 

Bu şəhərdə isə o Qavvali/Qawwali musiqi növü ilə və həmin musiqinin ən mahir ifaçılarından biri olan Nüsrət Fateh Əli Xan/Nusrat Fateh Ali Khan -Pakistanlı müğənni, ilə tanış olur. Onun  tanışlığı həyatında xüsusi rol oynayır. Jeff özü də Nüsrət Fateh Əli Xanın pərəstişkarına çevrilir. Xüsusilədə sufizm əsaslı bu 

janrda mahnılara olan marağı isə yazdığı bir neçə mahnılarda da hiss olunur. Buna ən gözəl nümunə isə ən sevdiyim mahnılarından olan "Dream Brother" mahnısıdır. Bu mahnı insana dünyanı unutdurur. 5dəq 26. saniyəyə sanki dinlədiyin anda ruhunla mahnını duyursan. Varlıqla yoxluğun arasında qəribə hislər yaşadan mahnıdır.

iyul 1995ci il, Parisdə Olimpiyadakı festivaldan

Elə muğama sevgisinə görə də Jeff sonra festivalda Azərbaycanın ən yaxşı muğam ifaçılarından biri olan Alim Qasımov ilə duet ifa edir. Buckley Xanla tanışlığı dövründə onun bir çox mahnılarının coverini ifa edib. Aşağıdakı video Alim Qasımov və Jeff Buckleyin Fransa, 

Parisdə keçirilimiş, "Festival of Sacred Music" adlı festivaldan "What Will Yoou Say" adlı mahnının duetidir. Festival 1995-ci il 18 iyulda keçirilib. Bu mahnı da sonradan 2001-ci ildə "Live À L'Olympia" adlı canlı alboma daxil edilir. Əslində albomun adı həmin ildə Jeffin Olimpiyadakı festivaldakı çıxışına uyğun götürülüb. Eyni ildə keçirilən festivaldan olan Alim Qasımovla olan duet də bura əlavə edilib.

İki fərqli dil və janr ancaq çox gözəl alınıb. Eyni festivaldan başqa bir duet də var, hansı ki youtube-a hələ 2015-ci ildə yüklənib. 

Jeff Buckley debüt üçün həm də öz atası üçün hazırlanmış "Greetings from Tim Buckley"/"Tim Buckley dən salamlar" adlı konsertdə çıxış edir. O konsertdə atasının mahnıları içindən ona və anasına yazılmış "I Never Asked To Be Your Mountain"/" Heç Vaxt Sənin Dağın Olmağı İstəməmişdim"( mahnının koverini/cover dinləmək üçün adını klikləyin) adlı mahnısını ifa edib. 

Ümumilikdə Jeff həmişə atası ilə müqayisə olunmağı sevməyib. Jeffin ilk və son albomu olan Grace albomuna adını verdiyi "Grace" adlı mahnısını tvdə BBC kanalında çıxışı zamanı atasının adının çəkildiyi zaman da kiçik reaksiyasını göstərir. 

                                  

Jeff Buckley xüsusilə cover lərinə görə də fərqlidir. "Calling you" adlı mahnının orjinal versiyasını da dinləsəniz mənə haqq verersiniz ki, Jeff in oxuduğu demək olar ki, ayrı bir mahnı kimi səslənir. Mahnının tarixçəsinə qısa nəzər salaq: Mahnı Bagdad Café adlı 1987-ci ildə çəkilmiş filmin soundtrackıdır. Mahnının həmin ildən, iki versiyası mövcud olub. Mahnının ilk ifaçısı Jevetta Steele nin versiyası (dinləmək üçün versiya sözünü klikləyin) və mahnının bəstəkar Bob Telson un 

oxuduğu versiya. Jeff Buckley cover/kaver üçün Bob Telsonun versiyasını seçib. Hər iki versiyadan da çox cover/kover versiyasını bəyəndim. Əminəm dinlədikdən sonra siz də eyni düşünəcəksiniz. Jeff Buckley- "Calling you/Səni Çağırıram".

                              

mərkəzdəki uzunsaçlı Jeff Buckleydir.

Jeff elə bu dövrlərdə Gods and Monsters/Tanrılar və Monsterlər adlı qrupunda tərkibində də çıxış edib, lakin qrup rəsmi olaraq debüt etməzdən əvvəl qrupu tərk edib. Məncə düzgün qərar verib. 

Ümumilikdə Jeff bundan başqa qruplarda da üzv olub. Sonradan 1993-1994 cü illərdə üzərində işləyib ortaya çıxardığı "Grace" albomu sayəsində onun öz oxu tərzini dinləyə bilirik. Grace, Jeff Buckleyin özünün/sağlığında çıxardığı yeganə studio albomudur. Albom 2003-cü ildə Rolling Stone's 500 Greatest Albums of All Time/ Rolling Stone-un Bütün vaxtların 500 ən yaxşı albomu siyahısında yer alıb. Bu bir az qəribədir, çünki albom 1994-cü ildə işıq üzü görüb. Grace albomu 1994cü il avqustun 23-ü buraxılıb. Ümumlikdə albom çox sevilib. 

Original track listing/Orijinal trek listi/sırası
No.	Title/ad	Writer(s)/Yazan(lar)-burada mahnını yazanlar, yazıçı yox.	Length/uzunluq
1.	"Mojo Pin"	Jeff Buckley Gary Lucas	5:42
2.	"Grace"	Jeff Buckley Gary Lucas	5:22
3.	"Last Goodbye"	Jeff Buckley[41]	4:35
4.	"Lilac Wine"	James Shelton	4:32
5.	"So Real"	Jeff Buckley Michael Tighe	4:43
6.	"Hallelujah"	Leonard Cohen	6:53
7.	"Lover, You Should've Come Over"	Jeff Buckley	6:43
8.	"Corpus Christi Carol"	Traditional Benjamin Britten	2:56
9.	"Eternal Life"	Jeff Buckley	4:52
10.	"Dream Brother"	Jeff Buckley Mick Grøndahl Matt Johnson	5:26

Posthumous releases additional tracks[42]/ Ölümündən sonra çıxarılan əlavə trek/parça
No.	Title/ Ad	Writer(s)/Yazan(lar)-burada mahnını yazanlar, yazıçı yox.	Length/uzunluq
11.	"Forget Her"	Jeff Buckley	5:13

Albomun ilk mahnısının adı "Mojo Pin" dir. İlk baxışdan da, insanın ağlına ad yada heç nə salmır, heç bir dildə. Bu sözün mənası haqda bəzi fikirlər olsa da, rəsmi bir məlumat yoxdur. Yəni bu Jeff Buckley in mahnı üçün ixtira etdiyi bir sözdür. 

Ancaq həmin adla bağlı fikirləri də oxumağa dəyər- Mojo Pin sözünü daha çox Afrika dilində çoxumuz filmlərdən eşidib gördüyümüz- vodoo magic/vuduu sehri, cadusu sözü ilə 

bağlayırlar. Hansı ki, ad olaraq mən elə bir bağlılıq görmürəm. Mahnının sözlərindən yola çıxaraq əsas sözün mənasının heroin və heroin üçün iynə olması versiyası daha çox üstünlüyünü qoruyur. Mahnının sözlərində qısa desəm,_ sən(mahnıda haqqında danışılan qadın)  burda olsaydın mojo pin-ə ehtiyacım olmazdı_ deyilir. Bundan əlavə yenə də mahnının sözlərində istifadə olunan- the white horses - sözü də jarqon kimi heroin sözünü əvəz edir. Mahnının sözlərini Jeff özü yazmışdı. Ancaq bütün bunların əksinə, Jeff Buckleyin ölüm səbəbi atasından fəqrli olaraq nə narkotik, nə də içki olmayıb. Mojo Pin mahnısını dinləmək istəsəniz, aşağıdakı video sizin üçündür.

                          

Albomdan ən sevdiyim mahnılar isə "Dream Brother", " So Real", "Grace", "Mojo Pin" və "Lover, you should've come over" mahnılarıdır. Hər birini dinləməy dəyər.! Albomdan klip üçün isə Jeff "So Real" mahnısını seçib. Klipdə qəribəlik var, belə ki ilk baxışdan hər şeyin bizə aydın olduğu adi kliplərə heç bənzəmir. Klipdən ən çox yadımda qalan isə, Jeffin musiqi videosunda, kafedə ou kamera çəkəndə gördüyümüz baxışıdır. 1:54-cü saniyədəki. Dərin, kədərli. Eyni sözləri mahnı və səsi barəsində də demək mümkündür. Mahnıdan isə ən sevdiyim hissə -" I love you, But I'm afraid to love you"- hissəsidir. Mahnıda çox səmimi səslənir.

                                         

Albomdakə "Eternal Life" (dinləmək üçün mahnının adına basın/klikləyin) mahnısı isə sözlərindəki insanlara mesajı ilə seçilir. 

"Forget Her" mahnısını isə Jeff Buckley əvvəl Grace albomuna daxil etsədə sonradan bilərəkdən onu gələcək albom üçün saxlayıb və əvəzinə isə "So Real" mahnısını alboma daxil edib. "Forget Her"/ "Unut Onu"adlı bu mahnıya çəkilən klip isə Jeff Buckley in əldə olan video yazılarının birləşməsi ilə ərsəyə gəlib. Ancaq bu klipi izlədiyimiz zaman yalnız mahnını daha təsirli edir. 

                                         

Əvvəldən də qeyd etdiyim kimi, Jeff Buckley bir çox bəyəndiyi mahnının cover/koverlərini hazırlayıb. Bunlardan ən məşhuru isə "Hallelujah" mahnısıdır. 

                                   

1997-ci il mayın 29u axşamı Jeff və Keith Foti (turnelər zamanı qrupun ehtiyacı olan alet və aparatları quran şəxs) Memfis, Tenessadakı, Misissipi çayının kanalı olan Wolf River Harbor-in sahilində gedib. Jeff ayaqqabıları və paltarı ilə üzməyə gedib. Sonra isə Keith onu tapa bilməyib. Jeffin bədəni yalnız iyun ayının 4-ündə sahilə çıxıb və yerli insanlar tərəfindən aşkar olunub. 

Sonradan otopsi nəticələrində onun həmin gün heç bir narkotik və ya spirtli içkinin təsrində olmadığı müəyyən edilib. Jeff Buckleyin anasının onun 

haqqında olan sənədli filmdə dediyi fikirlərindən ən çox yadımda qalan isə təxmini belə idi. O deyirdi ki, digər rok ifaçıları və ya atası kimi onun oğlu narkotika səbəbindən ölməyib.

Ancaq düzü mənə hələ də onun ölümünün daha çox sui-qəsd kimi olması ehtimalını ağlımdan çıxara bilmirəm. Xüsusilə də, ayaqqabılarla üzməyə getmək və ya iş yoldaşının onun batdığını görməyib və ya ardınca gedib tapa bilməsi məndə şübhə yaradır. Ancaq hər halda bu şübhə nəticəni dəyişdirmir. 

Jeff Buckley i mənim üçün digərlərindən ən çox fərqləndirən onun yalnız bir musiqi janrında bir stildə, üslubda oxumamasıdır. Bir mahnısında soul blues, digər birində folk rok və caz və rok qarışıq janrlar görmək olar. (musiqi təhsilim yoxdur sadəcə dinlədiyim, mahnılarından hiss etdiklərimi yazmışam, yəni tam janrlarla bağlı dəqiq bir şey deyə bilməyəcəm) 

"Sketches for My Sweetheart the Drunk" adlı ikinci albom isə Jeff 

Bu albomun üz qabığı kimi olmasını istədiyim mənim ən çox bəyəndiyim nədənsə bu şəkildir.

Buckleyin 1997-ci ildə üzərində işlədiyi mahnılarından ibarətdir. Albomdakı mahnıların çoxu 1996 cı ildən yazılmış və 1997-ci ildə Jeff bəzilərini bəyənməyib yenidən oxumaq istəyirmiş. Albom 1998-ci il may ayının 26-sı çıxarılıb. Bu albom " My Sweetheart the Drunk" adlanmalı idi, ancaq Jeff özü albomu tamamlaya bilmədiyi üçün adın əvvəlinə skeçləri/sketchs sözü əlavə olunub. Buna baxmayaraq albom uğur qazanıb. 

Son yarımçıq qalan albomun bütün mahnılarını tək-tək çox sevirəm. Hər birinin videosunu burada sizinlə məmnunyyətlə paylaşardım. Ancaq bu daha az söz və daha çox ardıcıl mahnı deməkdir, hansı ki mən buna özüm üstünlük verərdim. ;)

Track listing/ Trek sıralaması

All tracks composed by Jeff Buckley; except where indicated/ Göstərilənlərdən başqa bütün treklər Jeff Buckley tərəfindən bəstələnib. 

• Disc One/ Disk Bir

1. "The Sky Is a Landfill" (Jeff Buckley, Michael Tighe) – 5:09
2. "Everybody Here Wants You" – 4:46
3. "Opened Once" – 3:29
4. "Nightmares by the Sea" – 3:53
5. "Yard of Blonde Girls" (Audrey Clark, Lori Kramer, Inger Lorre) – 4:07
6. "Witches' Rave" – 4:40
7. "New Year's Prayer" – 4:40
8. "Morning Theft" – 3:39
9. "Vancouver" (Jeff Buckley, Mick Grøndahl, Michael Tighe) – 3:12
10. "You & I" – 5:39

• Disc Two/ Disk İki

1. "Nightmares by the Sea" [Original Mix] – 3:49
2. "New Year's Prayer" [Original Mix] – 4:10
3. "Haven't You Heard" – 4:07
4. "I Know We Could Be So Happy Baby (If We Wanted to Be)" – 4:27
5. "Murder Suicide Meteor Slave" – 5:55
6. "Back in N.Y.C." (Tony Banks, Phil Collins, Peter Gabriel, Steve Hackett, Mike Rutherford) – 7:37
7. "Demon John" (Jeff Buckley, Michael Tighe) – 5:13
8. "Your Flesh Is So Nice" – 3:37
9. "Jewel Box" – 3:37
10. "Satisfied Mind" (Red Hayes, Jack Rhodes) (recorded 1992.10.11 WFMU) – 6:00

qeyd- albom sıralaması en.wikipedia.org saytındandır.  

Albomun 2. diskinin(Birləşmiş Ştatlardan başqa) Beynəlxalq yayımında bonus trek olaraq "Gunshot Glitter" (Jeff Bukley) ümumilikdə 21 trekin üçündə 7. sırada yayımlanıb. Disk 2 nin Yaponiya yayımında isə həmçinin "Thousand Fold" (Jeff Buckley) 22 trekin içində 11. olaraq bonus trek kimi yer alıb.

Bu ikinci skeçlərdən ibarət albomdan isə ən çox sevdiklərimi sizinlə paylaşıram. "Everybody here wants you"/ "Burada hamı səni istəyir" Klip də həmçinin sonra çəkilib.

"Opened Once" mahnısında dinlədiyin sanki anda atrafında hər şey dəyişir. 

"Nightmares by the Sea" mahnısı da albomdan favorit mahnılarımdandır.

   
 " New Year's Prayer" mahnısında Nüsrət Əli Xan musiqisinə bənzər ritm var. Mahnıda bir az şərq təsiri duyulur.

"Haven't You Heard" mahnısı.

Daha çox "Dream Brother" mahnısını yada salan bu albomda eyni üslubdakı mahnı isə "You and I"/Sən və Mən adlanan mahnısıdır. 

"Morning Theft" - Jeff Buckley. 

sağda Jeff Buckley, solda isə James Franco

James Franco

Jeff Buckleyi ilk tanıdığım vaxtdan onu bir aktyora bənzədirdim. James Franco/Frankoyla bir birlərinə çox bənzəyirlər. Xüsusilə James Frankonun Freeks and Geeks serialından olan bu şəklini ilk gördüyüm zaman xüsusilə seçilməyəcək dərəcə bənzədiklərini gördüm. 

Jeff Buckley

Əgər Jeff haqqında film çəkilsə baş rol aktyorluğa J.Frankodan daha yaxşı namizəd ağlıma da gəlmirdi. Artıq həmin filmin də çəkilməsi haqqında xəbərlər var. Tam olaraq film haqqında heç bir şey məlum deyil ancaq baş rol demək olar məlumdur. Düşündüyünüz kimi baş rol J.Franko olmayıb. 

Reeve Corney

Namizədlər arasında adı olsa da. Müəyyən mənada sonradan bunun yəginki həm də aktyorun yaşı ilə bağlı ola biləcəyi ağlıma gəldi. Təsdiqlənən aktyor isə Reeve Corney-dir. Bu aktyor da Jeffə bənzərliyi ilə seçilir. Sadəcə göz rəngləri fərqlidir. Filmi səbirsizliklə gözləyirəm.


Bütün paylaşdığım şəkillərindən də mənimlə razı olarsınız ki, Jeff şəkillərin çoxunda fərqli çıxır. Aşağıda bir neçə şəkillərini də sizin üçün paylaşmışam. Qeyd edim ki, Jeff Buckleyin öz şəxsi həyatı və xüsusilə sevgi həyatı barəsində bilərəkdən heç bir məlumatı yazıma əlavə etmədim. Çünki özüm Jeff Buckleyin şəxsi həyatı ilə maraqlanmıram. Musiqi fəaliyyəti daha maraqlıdır. Sizə isə bütün mahnılarınıdinləməyi məsləhət görürəm. Bəyəndiyiniz ən az 5 mahnı çıxavaq.

Jeff i özüm üçün yeni kəşf etdiyim zaman isə (2014-cü il) ən pisi artıq yeni mahnılarının olmayacağı, canlı onu eşidə bilməyəcəyim oldu. 
Son mahnı olaraq isə daha ritmli mahnı seçdim. "Vancouver"- Jeff Buckley.

Ən sondakı şəkli isə xüsusilə sona saxladım. ;)