NELL THE DAY BEFORE

1 FILMDƏN DAHA ARTIQ OLAN MAHNI. . 

istərdim ki, bəzən zaman sənin üçün də dayansın...

    
    Sadəcə 5.33 dəqiqəlik klipi izləməklə mahnının və musiqi videosunun təsirinə düşür insan. Mahnı, səs və klip o qədər bir-birini tamamlayır ki. Klipdə 2 aktyor Lee Min Ki və Song Jae Rim oynayıb. Bu aktyorlar bir neçə dəqiqə ərzində mahnının sözlərini bilməsək də bizi kədərləndirir. 

istərdim ki, eyni xatirədə dayana bilək..

Bəli məhz kədər.. Ancaq kədər həmişə sevmədiyimiz duyğu deyil. Yoxsa kədərli filmləri, mahnıları niyə bu qədər sevirik?! Klipin sonu onu unudulmaz edən səbəblərdəndir.. . ..
 Başda isə biz sadəcə sonun necə olacağını düşünüb izləyirik, həm də mahnını dinləyərək. Sonda bizə hər şey aydın olur. İlk klipdir ki, belə yazı yazdım haqqında. Hər birinizə mahnını dinləyib, klipi izləməyi məsləhət görürəm. Çünki əminəm ki, çox bəyənəcəksiniz.

Klipdə Lee Min Ki ( sonda özünü zəhərləyib, intihar edən) nin oxuduğu kitab John Bergerin       " And Our Faces, My heart, Brief as Photos" adlı kitabıdır. Bilmək istəyəcəyinizi düşünüb yazdım. ;) ( məlumatı burdan götürmüşəm) Düzü kitabı istər adına, istərsə də məhz bu klipdə istifadə olunduğu üçün oxumaq istərdim. 

Lee Min Ki (daha doğrusu klipdə canlandırdığı insan) bir məktub yazır, bu son məktubunu və ölümünü həmişəlik yaddaşa həkk edən, son anlarının olduğu vedio yazını dostuna "hədiyyə" edir.

Song Jae Rim klipdə o qədər gözəl oynayır ki, onun kədərini hiss etməmək, görməmək mümkün deyil. Simasında peşmançılıq, kədər duyulur. . .  (insanın kədəri, göz yaşı, demək istədiyi sözlər boğazında düyünlənib qaldığı o anı necə gözəl canlandırır Song Jae Rim... - giffə diqqət)

Hazır olduğun üçün ağrı daha dözüləcək/az oldumu ?

Lee Min Ki də intihar edən insanın rolunu əla oynayır.. Bu aktyorları dramatik bir filmdə ya da serialda baş rol kimi görmək istərdim.

bu cür yaşamağın məqsədi nədir?! 

Klip dən səhnələrin olduğu şəkil axtaranda bu şəkil qarşıma çıxdı. Mahnını dinləyib çox sevən bir insan şəklin üzərinə yazdığı yazı ilə mənim yazdığım yazının səbəbini daha da gücləndirir. 

hər yatmazdan əvvəl bu mahnını dinləyirəm və hər dəfə də ağlayıram
S!b: sözləri başa düşmürəm/bilmirəm (dili bilmədiyi üçün)

Dinləyəcəyiniz (və bəlkə də dinləmiş olduğunuz) mahnı isə Nell qrupuna aiddir. Cənubi Koreyada olan az rok qruplarındandır. Nell indie (bu sözün tərcüməsi hindu mu olur bilmədim) rok (rok musiqinin bir növü ) qrupudur. Qrup haqqında sizə daha geniş gələcək yazılarımdan birində məlumat verməyə söz verdim. ;) Hələlik isə sadəcə The day Before dinləyin.. 

Bu da haqqında yazdığım klip və mahnı. Nell - The Day Before (əvvəlki gün/bir gün əvvəl) Nell qrupu sadəcə bu mahnı ilə də sevimli qruplarınızdan birinə çevriləcək.

Mahnını yükləmək istəyənlər klik ləsin. ;) Bu mahnı 2012 ci il, 4.Music Melon Awards ( 4. Melon musiqi mükafatlandırılması)da Music Styles Awards/ Musiqi stili mükafatı -ən yaxşı rok (best rock) naminasiyasında qalib gəlib.

istərdim ki, bəzən zaman sənin üçün də dayansın...