Bu aralar mən.

Son Zamanlar..

  Salam. Nəhayət çox uzun zamandan sonra bura yazmağın sevincini təsəvvür edin. Vaxt azlığı və yorğunluq bu il hər zamankından daha çox üstün gəlib. Bu aralar mən də yox kimiyəm. Çünki sevdiyin kitabı oxumağa vaxt tapmamaq, izləmək istədiyin fimlərə sadəcə uzaqdan baxmaq və blogunda nə yazacağını düşünüb də yaza bilməmək bu sıranı uzada da bilərəm, bütün bunlardır məni mən edən. 
Və bir neçə aydır onlardan uzağam. Məncə, vəziyyətin necə olduğunu siz anladınız. Bir də hər şeyin üstünə mövsümə uyğun qrip əlavə edək. Nəticə "möhtəşəm" olur. 
Bu aralar hər şeydən çox qripəm. Artıq qripi hardan, kimdən tutduğumu da bilmirəm. Bu ilki qədər qrip tutduğum olmamışdı. Bloqa yazılacaq qədər həyatıma daxil olmuş qrip virusu düşünün. 
Ancaq bütün bunlara baxmayaraq pozitiv yaşamağa davam edək. Məsələn saçlarımı qısaltmaq kimi bir dəyişiklik istəyirəm. İndi upuzun saçlı qız olduğumu düşünməyin sadəcə bir az çox uzanıb. Kəsilmə vaxtı gəlib çoxdan. Qısa saçları çox sevdiyimi desəm təəccüblənməzsiniz. Havaların isinəcəyi vaxtı hər ildən daha çox gözləmək səbəblərim içində saçlarım da ən öndən özünə yer tutub. Qalın geyimlərdən bezdim artıq, hava soyuqdursa bir az da geyim olaraq istədiyin rahatlığı tapmırsan. Mən tez üşüyən olduğumçün ikiqat problem olur. Aşağıdakı şəkildəki kimi görünən qız görsəz o mənəm əmin olun. 
Gözəl mahnılar dinləməyə vaxt çatdıra bilirəm. Qulaqcıqlarım yolda ən yaxın dostum olur. Qış sevən insan necə qışın tez getməsini istəyir? Qarışıq hislər deyək. Ya da Bakıda qış o qədər də qarlı olmur deyədir. Deməli hər şeyin səbəbkarı ya soyuq ya da qripdir. 
Hava yaz olsun bir parkda oturum səssizliyə dalıb gedim istəyirəm. Son zamanlar istədiyim az küləkli (Bakıda çətin), azca meh əsən günəşin yandırmadığı xoş mülayim havadır. Bunu canlandırın təsəvvürünüzdə. Və tək oturub buludlara dalmaqdan zövq almaq. Günəşin batdığı vaxt olsa o an oralar bir başqa gözəl rənglərə boyanar. Sonra bütün gün dinləyin deyə bu mahnını da əlavə etdim. (Mahnı sözünü basın/klikləyin). Jeff (tanımayanlar adın üstünə klikləyin və haqqında yazdığım kiçikyazıya keçid alın, xüsusilə sevdiyim mahnılarını da sizlə bölüşdüyüm yazıdır.) havasında 1 mahnı sevənlər üçün bu mahnı.
Gününüz xoş keçsin. Bu da içimdən gəldi. http://dreamhigh-happyday.blogspot.com/
Sizi siz edən şeylərdən uzaq qalmayın. Bu da bugünün tövsiyyəsi olsun. 
Share on Google Plus

About Nana Happy

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

2 yorum:

  1. Keçmiş olsuun,tez sağalmağın diləyi ilə.Biz də ailəcək artıq qışın bitməsini istəyirik,bütün gün evdə "yay gəlsin,yay gəlsin" deyib gəzirik.Artıq yay gəlsəydi yaxşı olardı.
    Bura yazmaqdan vaz keçmə,yaxşı?Ara versən də,yenə yaz.
    Sevdiyin kitabları oxumağa,filmlərə baxmağa vaxt tapabilməyin diləyi ilə yenidən keçmiş olsun :)

    ReplyDelete
  2. En kısa sürede aramıza dönmen dileğiyle, geçmiş olsun. Bakü kadar olmasa da Ege'de havalar bir hayli soğuk :S

    ReplyDelete