DİGİMON ADVENTURE 01

BU ANİME İN YERİNİ HEÇ NƏ ALA BİLMƏZ.!


   Sizə elə bir anime dən yazacağam ki, mən bu anime i hədsiz çox sevirəm. Hər bölümü, soundtrack ları ilə çox maraqlıdır. Ancaq heyf ki, çox adam hələ də bəlkə də gördüyü zaman Pokemon la dəyişik salır. Pokemona heç baxmamışam ancaq Digimon həqiqətən baxılasıdır.

Bu yaşda belə fikrim dəyişmədi. Soundtrack lar isə hər yaşda dinlənilə bilər. Digimon digər uşaqlar üçün olan anime ya da cizgi filmlərdən çox fəqrlidir. Ən əsası isə bildiyimiz kimi animelər sırf uşaqlar üçün olmur. Elə Digimon da belə animelərdəndir. Mənim kimi, tom və cerri, sevimli qəhrəmanları uşaqlıqdan çox uşaqsı qəbul edənlər bu anime i izləyin. Sevgi,romantika bol deyil. Ancaq dostluğa geniş yer verilir. Bəlkə də rok musiqisi ilə ilk bu anime sayəsində tanış olmuşam. Və əlbəttə ki çox sevmişdim. ;) Yapon anime lərinin ən əsas cəhəti də odur ki, animi çox ciddi qəbul edirlər. Bəzən, sırf uşaqlar üçün olduğu üçün elə cizgi filmlərlə qarşılaşırıq ki, buna uşaqlar niyə baxmalıdır ki deyir insan istər istəməz. Çünki uşaqları  bəzən insanlar gözlərində çox kiçildir . (Bu da başqa bir mövzuya gedir , başqa yazımda İnşaAllah) Bu anime təkcə mahnı seçimi deyil, uşaqların geyim tərzi ilə də fərqlənirdi. Keçək anime in özünə.

Hadisələr məktəblilərin yay pikniyi üçün gəldiyi yerdə başlayır. Belə ki, məktəblilərdən bəziləri (bizim qəhrəmanlarımız) bir anda başqa dünyaya keçir. Ancaq bunun necə başverdiyini bilmirlər. Ən əsası isə bu dünyada digimonların olmasıdır. Bura digimonların yaşadığı virtual dünyadır. Bəs Digimon nədir?

Digimonlar görünüşcə heyvanlara bənzəyir, lakin əsas fərqləri danışa bilmələri və daha ağıllı olmalarıdır. Bizim yediyimiz yeməkləri də çox bəyənərək yeyirlər. Görünüşlərinin heyvanlara çox bənzədiyini yazdım, ancaq onlar daha çox şipşirin bir oyuncağı xatırladır.

Digimon sözünün açılışı Digital Monsters (virtual monsterlər) dir. Bu digimonların heç də hamısı şirin və təhlükəsiz deyil. Bizim 8 məktəblinin gəldiyi andan isə hər birinin bir digimonu olur. Daha doğrusu bu digimonlar ilk andan uşaqlara onların digimonu olduqlarını və digital/virtual dünyada onları bütün təhlükələrdən qoruyacaqlarını deyirlər. Əlbəttə, uşaqların çoxu bunu qəbul etmək istəmir. Bundan əlavə bu uşaqların qəribə saata bənzəyən bir alətləri var.-digimon dünyasında onlara verilib. 

Bu alət (digivices-digialətlər) isə uşaqlarla digimonları arasındakı bağın sübutu kimidir. Sonradan bizə məlum olur ki, bu alətlər sayəsində şirin kiçik digimon daha güclü və böyük digimona çevrilir.

Bu animi izləmə səbəbim fantastikanı sevməyimdir. Ən çox bəyənmə səbəbim isə budur ki, hekayə əla işlənib, hazırlanıb. Bir anlıq düşünəndə məntiqsiz görünmür. ;)İzlədiyiniz zaman bu digimonlardan biri də mənim olsun deyəcəksiniz. 8 məktəblini qısa tanıyaq.

Qrupun lideri Taiichi (Tai) Kamiya 
八神 太 dır. Özündən kiçik bir bacısı da var. Matt lə yaxın dostdurlar. Digimonunun adı isə Aqumon-dur. Tai cəsarəti təmsil edir və cəsarəti ilə yoldaşlarından seçilir.
Anime də hər sezonda liderlərin hər birinin bu cür eynəkdən istifadə etməsi xüsusilə maraqlıdır. 



Yamato (Matt ) İshida. 石田 ヤマト Anime nin cool oğlanı Mattdir. Ata-anası ayrılıb. Matt atası ilə, balaca qardaşı Takeru (T.K.) isə anası ilə yaşayır. Musiqiyə marağı ilə seçilir. 
Armonika və gitara çala bilir. 

Soyuqqanlı, sakit xarakterlidir. Digimon Adventure 02 də (anime in ikinci sezonunda) o artıq bir rok qrupun solisti olur.




Mimi Tachikawa -太刀川 ミミ
 ən qızsal obrazdır. Səmimidir. Gözəlliyi ilə seçilir. Əslində haqqında yazası elə də çox şey yoxdur. Miminin bu donunu da çox bəyənirəm. Bu uşaqların arasında dəblə ən çox maraqlanan qızdır. Tez-tez bizim dünyamızda onun digimonunu görüb bu oyuncağı hardan aldığını soruşurlar. O isə bir anlıq donur, sonra isə ağlına gələn ilk sözü deyir. Bir dəfə bütün metro cavabı eşidən kimi növbəti stansiyada boşalmışdı. :D Hamı ilk dəfə gördüyü az qala canlı kimi görünən bu oyuncaqdan almaq istəyirdi. 


 Onun digimonu isə Palmondur. Mimi nisbətən varlı ailədən gəlir, evin tək qızı olması da onun xasiyyətinə təsir edib. Bu obrazı xüsusilə geyim tərzi və saşlarına görə bəyənirəm. 

Sora Takenouchi- 武之内 空

soyuqqanlı, özünə qapalı qızdır. Atası işlə bağlı başqa şəhərdə yaşayır. Ona görə də Soranı anası böyüdür. Sevgini təmsil edən seçilmiş uşaqdır. Digital dünyaya gedən bu uşaqlar seçilmiş uşaqlar adlanır. Soora oğlansı qısa saçları və geyimi ilə seçilir. Soranın digimonu isə biyomondur. Biyomon vaxt keçdikcə onun ən yaxın dostu olur. Həm də müdafiəçisi. 

Bizim dünyada uşaqların əlindəki digimonları görənlər isə daha çox bu digimonları şirin oyuncağa bənzədib haradan aldıqlarını soruşur. Bu anda bizim seçilmiş uşaqlar ağıllarına gələn ilk uşaq oyuncaqları mağazalarından birinin adını çəkir. Ya da Sora kimi donub qalır. :D 


Ən əsası, digimonlar- seçilmiş uşaqların digimonu dəyişib daha güclü bir digimona çevrilə bilir. Bu isə yalnız seçilmiş uşaqların digi alətləri/digivice sayəsində baş verir. yəni bir digimonu çox şirin balaca halda və həm də güclü və nəhəng görə bilrəsiniz. Bu zaman yeni növ digimona çevrildiyi üçün digimonun adı da dəyişir.  


Joe Kido 城戸 丈 - Joe dürüstlüyün təmsilçisidir. Tünd göy rəng saçları olan Joe da ilk əvvəl digital dünyaya alışa bilməyəcəyini düşünürdü. Joe nun digimonu isə Gomamon adlanır. Gomamon da şirin digimonlardandır. 










Kari Kamiya 八神 ヒカリ - Yagami Hikari ( yapon və ingilis versiyalı səsləndirmələrdə ad dəyişir. Ancaq mənası eynidir. ) 
Kari Taiichi/Tai ın kiçik bacısıdır. Kari Takeru ilə birlikdə, seçilmiş uşaqlardan yaşca ən kiçiyidir.Onun digimonu ilə qarşılaşma anı daha maraqlıdır. Spoi olmasın deyə yazmıram. (Bura qədər oxuyub gələnləri isə təbrik edirəm ^_^) 





Kari isə şığı təmsil edir. Buna umid də demək olar. Yaponcadan soyadı da işıq olaraq tərcümə olunur. Onun digimonunun adı isə Gatomondur. Gatomon pişiyə bənzər bir digimondur. Xüsusilə gözləri çox qəşəngdir. 

Digimonun bir sezonunda bir neçə hekayə olur. Bu da anime i daha maraqlı edir. 





Koushiro İzzy İzumi 
泉 光子郎 boyca balacadır. Texnologiyanı çox sevir. Həmişə əlində notebookla görəcəyiniz biridir. Koushiro çox ağıllıdır. O biliyin təmsilçisidir. Onun digimonu isə Tentomon dur.





Takeru T.K. Takaishi 高石 タケル ən şirin uşaqlardan biridir. Matt in balaca qardaşıdır. Əvvəldən dediyim/yazdığım kimi valideynləri ayrıldığı üçün o anası ilə qalır. Ümidi təmsil edir. Digimonu isə Patamondur. Patamon da çox şirindir.




Digimonun açılış soundtrackı və digər soundtrackları isə superdir. Ən çox da rok sevərlər üçün. ;) Bu mahnılar insana pozitiv enerji verir. Əmin olmaq üçün aşağıdakı videonu açın.

Buttefly/kəpənək adlı mahnının tam versiyasını dinləmək istəyənlər üçün

Bu isə anime dən Brave heart /Cəsur ürək mahnısıdır. Çox sevirəm bu mahnını. Bu mahnı çox məşhur olub. İndi də sevərək dinlədiyim mahnıdır. 

Anime in 1999ci il olması sizi aldatmasın. Həqiqətən izləməyə dəyər animedir. 2014 cü ildə 15illiyi keçirilən animein ilk sezonunun keçirilib. Və elan edildi ki, 2015ci ildə ilk sezonun qəhrəmanları ilə yeni sezon olacaq. Bu dəfə qəhrəmanlarımız da böyüyür və artıq 17 yaşındadırlar. Aprelin 2si yayıma Yaponiyada yayıma başlayacaq. Daha çox məlumat üçün digimonun-anime nin rəsmi saytına girə bilərsiniz. Mən yeni sezonu böyük səbirsizliklə gözləyirəm. Vaxta da çox az qalıb.

Digimonu həm də ona görə çox bəyənirəm ki, çox ağıllı insanın yazdığı hiss olunur. Həm keçmişdəki mif, nağıllardan istifadə edilib, dəyişilmiş və başqa sözlə digiləşmiş formada, həm də müasir texnologiyadan istifadə edilib. Bugün də müasir sayıla biləcək animedir. Mütləq izləyin. Vampir, Misir, Maya ilə bağlı nüanslar tapmaq olar. Digimonlar sayəsində baş qəhrəmanlarımız dostluğu öyrənir. Exo(bu arada təbriklər exo da yeni mv ni yayımladı nəhayət) nun ya Bigbangın comebacki kimi olmasa 2 gün sonra Yaponiyada yayımlanacaq. İnşaAllah gözlədiyimdən də yaxşı olar. İlk sezonun yanında solğun qalmaz bu yeni sezon. Məndən bu qədər anime sevərlərin diqqətini çəkəcək bir yazı da yazdım. Əgər bu yazım sevilsə, digimonun digər seoznları və ən əsası yeni sezon haqqında da yazmağı düşünürəm. Bundan sonra isə anime dən bir neçə şəkil paylaşdı. Hələlik.

Exo dan Xiumin ə bənzətdim. ;) xüsusilə gözləri. Amma ümumilikdə Jaejoong u xatırladır. Matt i tanıyanda Jaejoongu tanımırdım :D

bu şəkil üz qabığı olan dəftərləri xatılayırsınız? məndə vardı.