Our Times/Bizim Vaxtlar

Ən Sevdiyim filmlərdə ilk 10-a girən film.

   Həmin 10-luğa bir Tayvan filminin girə biləcəyini heç düşünməmişdim. Filmin mükəmməliyi sadəliyidir. Yəni, qeyri adi ssenarilərdən bezdiyiniz vaxt üçün ayırın bu filmi. Məktəbin çirkin qızı ilə məktəbin sevilməyən, davakar, qanqster oğlanının filmini zövqlə izləyəcəksiniz. Bu ara sırf izləmək istədiyim tipdə bir film idi. Belə filmlər çox azdır. Xüsusilə reply1988də Jung Palla bağlı kədərinizi nəzərə alsaq bu film sizə dərman olacaq. Çin dilində dəfələrlə film və ya seriala baxmağa çalışsam da alınmayıb. Amma bu film mükəmməl idi. Bayağı, şişirdilmiş heç nə olmadı. Eyni zamanda filmdəki məktəb həyatı, məktəblilər sizə anime ləri xatırladacaq. Sanki bütün obrazlar animedən çıxıb. 

Baş rollar isə rolu çox gözəl oynayıb. Film 2 saat olsa da əmin olun, filmin çox tez bitdiyini və bu film yerinə bir drama olmuş olsaydı deyə düşünəcəksiniz. Həmişə məktəblilərin həyatı, sevgisi film və ya serial olaraq daha çox diqqət çəkir və sevilir. Çünki məktəblilər daha dürüstdür, onların hissləri daha səmimi görünür. Dadı damağımda qalan bu filmi bütün romantik film sevərlərə məsləhət görürəm. Xüsusilə də şişirdilmiş romantika olmadığı üçün rahat izləyin. Bəlkə də baş rol qızın görünüşünə görə bir az filmdə rolunu bəyənməməkdən çəkinirsiniz. Amma əksinə qız əla aktrisadır. İzləyənlər mənimlə razılaşar. Film yalnız məktəb sevgisi haqda deyil. Bu da filmi daha maraqlı edir. Romantik komediya sevərləri üçün əla seçimdir. Çox komediya bol deyil ancaq, güləcəyiniz yerlər var.

Keçək filmin mövzusuna- Müasir dövrdə, iş yerində çox işləyib az qazanan Lin Chen-hsin /Lin Truly (altyazıda ikinci adla görəcəksiniz) 

bir gün digər işçilərin onun haqqında danışdıqlarını və mənasız yerə çox işlədiyi üçün ona güldüyünü eşidir. Bundan sonra hər şeyin fərqinə varıb müdirin yanına gedib istefasını verir. Həmin gün evdə yeniyetməlikdən fanı olduğu 


Andy Launun mahnısını dinləyir. Bu isə onu məktəb illərinə qaytarır. Baş rol qızın keçmişi yada salması ilə, biz də onunla birlikdə keçmişə gedirik. Yeniyetməlik dövründə məktəbin ən çirkin qızlarından olsa da, məktəbin ən məşhur oğlanından xoşu gəlir. Ancaq hər şey ona gələn bir məktubla başlayır, dəyişir və çıxılmaz vəziyyətə çevrilir.  Ağlınıza sevgi məktubu gəldi? 

Ancaq cavab bunu 3nəfərə də göndər yoxsa başından bəla əksik olmaz-dır. O məşhur məktublar :D Əlbəttə ki, Lin Truly buna inanır. 

Həmin vaxtlarda məktəblilərin çoxu buna inanardı. Məktublardan birini isə məktəbin qanqsterinə göndərir. Hsu Tai Yu məktəbdə kimin nə edəcəyinə qərar verən biridir. Öz qrupu ilə məktəbin qanqsteridir. Çox güclü olduğu üçün ondan hamı qorxur.

Digərlərini kimə göndərdiyini izlədiyiniz zaman bilərsiniz. Hsu tai Yu rolunu oynayan aktyor Darren Wang-dır.  Lin Chen-hsin /Lin Truly rolunun isə gəncliyini Vivian Sung oynayıb. Məktəbin qanqsteri Hsu Tai-yu məktubu oxuduğu vaxt onu maşın vurur.

 Bu səbəbdən Hsu Taiyunun adamları (ya da sinif yoldaşları :D) məktubu yazanı axtarırlar. Məktubun üstündə Andy Launun şəklini yapışdırması və eyni şəkillərdən oturacağına da yapışdırması əsas qızımızı ələ verir. Burda siz bir fan görəcəkiniz. Bu sizə eyni zamanda Reply 1997 (drama haqqında daha çox oxumaq üçün həmin dramanın adını klikləyin ;))ni və oradakı baş rol qızımızı xatırladacaq. 
Ancaq Hsu Taiyu, Lin Truly dən bunun qarşılığında dostluq istəyir. Lin Truly nin gözündən baxsaq, bu daha çox köləlik təklifi idi. 


Artıq Hsu Taiyu bütün işləri üçün onu göndərir. Təsadüf nəticəsində isə bəlli olur ki, hər ikisinin də bəyəndiyi insanların gizli münasibəti var. Bu münasibət sevgiyə çevrilməmiş onları ayırmalıdırlar. Artıq bu cütlüyü ayırıb, özlərinə aşiq 


etmək üçün birləşən cütlüyümüz də belə daha da yaxınlaşır. Bəs Hsu Taiyu və Lin Truly dən hansının hissləri dəyişəcək? Və ən əsası son necə olacaq? Müasir dövrlə bu necə bağlanacaq?- Ən sevdiyim şablon mövzudan çox gözəl filmin yaranmasıdır. Secret Garden da çox şablon idi ilk baxışdan amma izlədiyim zaman tamamilə fikrim dəyişmişdi. Hamımızın bu sadəliyə qarşı zəifliyimiz var. Çox sadə olduqlarını qəbul etsək də, sevməyə bilmirik. Filmdə Hsu Taiyunun bəzi sözlərini də məsləhət olaraq qəbul edə bilərsiniz. :D Hələ də məktəb formasını geydiyin vaxt məktəbdən qaçmalısan. - Hsu Tyuai

Filmi buradan Türkiyə türkcəsində alt yazı ilə izləyə bilərsiniz. Aşağıdakı filmdən olan şəkillərdə spoi ola biləcək şəkillər var, amma çox gözəl olduqları üçün yazımda olsunlar istədim. Spoi az belə olsa sevmirəm deyənlər baxmasın, ancaq tam spoi sayılacaq bir şey yoxdur. Həm bu filmə spoiləri biləsəm də baxaram. İkinci dəfə də baxaram. Filmdən olan soundrtack və videonu izləməyə dəyər. Xüsusilə də hələ də filmə baxmaqda tərəddüd edirsinizsə. ;)